阮若打開心內的門窗
阮若打開心內的門，就會看見五彩的春光，雖然春天無久長，總會暫時消阮滿腹辛酸，春光春光今何在，望你永遠在阮心內，阮若打開心內的門，就會看見五彩的春光。
阮若打開心內的窗，就會看見心愛彼個人，雖然人去樓也空，總會暫時乎阮心頭輕鬆，所愛的人今何在，望你永遠在阮心內，阮若打開心內的門，就會看見心愛彼個人。
阮若打開心內的門，就會看見故鄉的田園，雖然路途千里遠，總會暫時乎阮思念想欲返，故鄉故鄉今何在，望你永遠在阮心內，阮若打開心內的門，就會看見故鄉的田園。
阮若打開心內的窗，就會看見青春的美夢，雖然花無百日紅， 總會暫時消阮滿腹怨嘆，青春美夢今何在，望你永遠在阮心內，阮若打開心內的窗，就會看見青春的美夢。
No comments:
Post a Comment